sq
sq en_US
Donate
sq
sq en_US

PROGRAMET

Angazhimi i Profesionistëve të Diasporës

rreth programit

Transferimi i njohurive dhe aftësive nga profesionistët e diasporës drejt vendeve të tyre të origjinës është një mjet i fuqishëm për zhvillimin. Hulumtimet tregojnë se secili profesion formon "mini-diasporën" e tij, dhe Germin po e merr këtë parasysh duke krijuar rrjete profesionale të anëtarëve të Diasporës që i përkasin profesioneve të ndryshme, si profesionistët e arsimit, financave, diplomacisë, mjekësisë dhe më shumë.

Përmes këtij programi, Germin mbështet transferimin dhe shkëmbimin e njohurive dhe aftësive nga diaspora tek institucionet, organizatat dhe entitetet private në vendet amë. Gjithashtu, ndërmjetëson dhe lehtëson angazhimin profesional afatshkurtër të profesionistëve nga diaspora në këto vende. Deri më sot, Germin ka angazhuar mbi 100 profesionistë nga fusha të ndryshme, me mbi 300 javë angazhim dhe mbi 400 orë mentorim online.

Për të lehtësuar këto lidhje, Germin ka hapur një platformë online ku profesionistët e diasporës mund të regjistrohen, ndërveprojnë, bashkëpunojnë dhe ndajnë ekspertizën e tyre. Deri më sot, në platformë janë regjistruar mbi 500 profesionistë nga diaspora. Platforma ka për qëllim të bëhet baza më e madhe e të dhënave për profesionistët e diasporës, duke lehtësuar jo vetëm bashkëpunimin midis tyre, por edhe midis diasporës dhe profesionistëve në Kosovë.

Germin është duke angazhuar në mënyrë aktive profesionistët e diasporës përmes projekteve të ndryshme.

Projekti i parë, i mbështetur nga National Endowment for Democracy (NED) me seli në SHBA, ka për qëllim fuqizimin e grave në politikë në nivelin lokal në Kosovë duke ofruar mentorim nga profesionistët e diasporës.

Projekti tjetër është Diaspora4Innovation, i cili synon të angazhojë profesionistë dhe akademikë nga diaspora për të kontribuar në zhvillimin e arsimit te larte në Shqipëri, përmes bashkëkrijimit dhe bashkë-mësimdhënies me stafin vendas në institucionet e arsimit të lartë. Ky projekt përqendrohet në nxitjen e inovacionit, sipërmarrjes dhe përmirësimit të cilësisë së arsimit, duke shfrytëzuar përvojën dhe njohuritë e diasporës. Ai realizohet në bashkëpunim me programin EU4Innovation dhe synon krijimin e lidhjeve afatgjata midis institucioneve vendore dhe ekspertëve shqiptarë jashtë vendit.

Duke angazhuar profesionistët e diasporës në këto iniciativa, Germin jo vetëm që forcon lidhjet midis diasporës dhe Kosovës, por gjithashtu kontribuon në zhvillimin socio-ekonomik të vendit.

brenda programit

Projektet

Shfrytëzimi i ekspertizës së profesionistëve të diasporës për të nxitur zgjidhje inovative, ndërtimin e kapaciteteve dhe transferimin e njohurive në sektorë kyç.

Gjatë viteve, GERMIN ka ndërtuar ura lidhëse mes komuniteteve të diasporës dhe zhvillimit të vendit të origjinës duke ofruar mundësi për angazhim qytetar dhe fuqizuar qytetarët e diasporës si pjesë përbërëse të shoqërisë.

Që nga nëntori i vitit 2022, GERMIN po zbaton aktivitetin “Mentorimi Diasporë–Diasporë” me mbështetjen e IREX, si pjesë e programit pesëvjeçar të USAID-it për Zhvillimin e Fuqisë Punëtore të udhëhequr nga Sektori Privat në Kosovë (PSWD).

Qëllimi i programit të USAID PSWD është të shfrytëzojë sektorin privat për të ndërtuar modele të qëndrueshme dhe inovatore për zhvillimin e fuqisë punëtore në Kosovë. Programi synon të adresojë barrierat sistemike dhe të shfrytëzojë mundësitë në tre fusha: kërkesa për aftësi, oferta e aftësive dhe mjedisi mundësues.

GERMIN po lidh investitorë dhe sipërmarrës nga diaspora (dhe organizatat e tyre) me aktorë të tre Këshillave Sektorialë për Fuqinë Punëtore dhe përfitues të skemës së granteve në sektorët e Përpunimit të Drurit, Agrobiznesit dhe TIK-ut.

Qëllimi është që investitorët nga diaspora të shërbejnë si mentorë dhe të ndihmojnë udhëheqësit e tre Këshillave të mësojnë nga njëri-tjetri përmes përvojave të ndara, pyetjeve dhe mësimeve të nxjerra.

Aktiviteti “Mentorimi Peer-to-peer i Diasporës” synon të ofrojë mentorim, asistencë teknike virtuale, praktikë (virtuale) dhe të promovojë investimet e diasporës, përfshirë fondet e përgjegjësisë sociale të korporatave dhe investimet në iniciativa trajnuese në tre sektorët e përmendur më lart.

Në shkurt 2022, GERMIN nënshkroi një marrëveshje bashkëpunimi me Fondacionin Kosovar për Shoqëri Civile (KCSF) për të zbatuar komponentin “Angazhimi i Profesionistëve të Diasporës” (EDP) brenda aktivitetit “Angazhimi i Qytetarëve,” i cili zbatohet nga KCSF në partneritet me USAID në Kosovë.

Aktiviteti “Angazhimi i Qytetar” zbaton disa iniciativa që mbështeten në tre shtylla kryesore: përfshirja e komunitetit, rritja e besimit ndërshoqëror dhe zgjerimi e mobilizimi i burimeve të reja.

Për të adresuar mungesën e ekspertizës profesionale në fusha specifike tematike për organizatat e shoqërisë civile dhe për të shfrytëzuar potencialin e qasjeve dhe metodologjive të reja nga diaspora – KCSF, në bashkëpunim me GERMIN, po ofron mundësi për bashkëpunim dhe shkëmbim mes OJQ-ve në Kosovë dhe profesionistëve nga diaspora.

Me këtë projekt, GERMIN mbështet organizatat joqeveritare në Kosovë duke u ofruar atyre ekspertizën e profesionistëve të diasporës për të forcuar kapacitetet e tyre.

Në maj 2024, Programi EU4Innovation në bashkëpunim me GERMIN, filloi implementimin e projektit “Diaspora për Edukimin mbi Sipërmarrjen” me qëllimi kryesor të aktivizojë njohuritë globale të diasporës për një ndikim lokal. Duke shfrytëzuar ekspertizën dhe përvojën e diasporës akademike dhe profesionale, Shqipëria mund të krijojë një ekosistem inovacioni dhe sipërmarrjeje më të ndërlidhur dhe më të fuqishëm, duke fuqizuar më tej studentët, akademikët, sipërmarrësit e ardhshëm dhe aktorët më të gjerë të ekosistemit të start-up-ve për të arritur rezultate të larta.

Diaspora4Education

Shfrytëzimi i ekspertizës dhe njohurive të akademikëve të diasporës për të krijuar kurse inovative që trajtojnë konceptet e sipërmarrjes dhe inovacionit në 10 institucione të arsimit të lartë në Shqipëri;

Përfitimi dhe avancimi i aftësive sipërmarrëse për mbi 500 studentë universitarë;

Diaspora4Entrepreneurship

Angazhimi i një grupi profesionistësh nga diaspora për të mentoruar start-up-et, sipërmarrësit e ardhshëm dhe aktorët e ekosistemit, aktivizimi i ekspertizës së tyre për të udhëhequr dhe vlerësuar ndërmarrjet në zhvillim dhe ndarja e njohurive dhe aftësive të tyre për të ndihmuar në krijimin e ndryshimeve të rëndësishme në peizazhin sipërmarrës të Shqipërisë.

Diaspora4Promotion

Mobilizimi i diasporës për të promovuar ekosistemin e start-up-eve dhe inovacionit në Shqipëri, si brenda vendit ashtu edhe ndërkombëtarisht, si dhe anëtarë të dalluar të diasporës bëhen “ambasadorë të ekosistemit” (inovatorë, sipërmarrës, studiues) dhe promovojnë ekosistemin duke krijuar lidhje dhe ndërtuar ura me ekosistemet ndërkombëtare.

GERMIN angazhohet për të forcuar bashkëpunimin midis Kosovës dhe diasporës për të promovuar zhvillimin dhe demokratizimin e Kosovës. Në dhjetor 2022, GERMIN lançoi projektin "Bashkëpunimi midis Kosovës dhe Diasporës: Ndërtimi i Kapaciteteve të Grave në Politikë në Nivel Lokal", i mbështetur nga National Endowment for Democracy (NED). Projekti fokusohet në fuqizimin e grave në politikën lokale, me pjesëmarrjen e 52 grave nga komuna si Shtime, Istog, Vushtrri, Suharekë, Lipjan, Rahovec dhe Podujevë.

Komponenti kryesor i projektit përfshin mentorimin nga 26 profesionistë të diasporës, secili duke mentoruar dy gra lokale.

Ky program mentorimi zgjat nëntë muaj dhe është i ndarë në tri faza:

  • Faza 1: Identifikimi i përfituesve dhe mentorëve të diasporës.
  • Faza 2: Faza e mentorimit, ku 26 çiftet mentor-mentee punojnë ngushtë.
  • Faza 3: Një konferencë përfundimtare që mblidhet të gjithë palët e interesuara për reflektim dhe ndarje.

Në përgjigje të pandemisë globale, GERMIN, së bashku me Fondacionin Global të Shqiptarëve, krijoi “Ekipin e Profesionistëve të Shëndetësisë të Diasporës për Përgjigjen ndaj COVID-19” — një rrjet profesionistësh të shëndetësisë, ekspertësh të shëndetit publik dhe kërkuesish shqiptarë. Ky rrjet ka për qëllim forcimin e përpjekjeve të përbashkëta për përgjigjen ndaj COVID-19 dhe kontribuimin në zhvillimin e rekomandimeve politike për Shqipërinë, Kosovën dhe Maqedoninë e Veriut.

Objektivat: • Krijimi i një rrjeti global të profesionistëve të shëndetësisë shqiptarë që kontribuojnë në zhvillimin e politikave dhe përgjigjen ndaj krizave. • Fortifikimi i marrëdhënieve bashkëpunuese ndërmjet profesionistëve të diasporës dhe sektorëve publik, privat dhe jo-fitimprurës.

Aktivitetet

  • Organizimi i takimeve online, diskutimeve në panel dhe burimeve për të udhëhequr përpjekjet e përgjigjes.
  • Zhvillimi i një platforme online të moderuar për ndarjen e burimeve dhe informacionit mbi politikat.
  • Përgatitja e një dokumenti mbi përgjigjen ndaj COVID-19, duke adresuar sfidat lokale dhe globale.

Ky program ofron mundësinë për diplomuarit nga diaspora që të punojnë me anëtarët e Kuvendit të Kosovës, duke kontribuar drejtpërdrejt në proceset e krijimit të politikave. Ata do të angazhohen në kërkime dhe do të krijojnë raportet politike për fusha si të drejtat civile dhe politike për anëtarët e diasporës, investimet e huaja dhe dërgesat.

Objektivat:

  • Ndërtimi i një rrjeti të bursistëve nga diaspora që bashkëpunojnë me deputetët dhe komitetet parlamentare.
  • Është krijuar një program i bursave vjetore që përfshin 10-15 bursistë të diasporës çdo vit.

Kjo iniciativë ofron mundësi shkëmbimesh virtuale, duke lidhur profesionistët dhe studentët e diasporës me institucionet akademike në Kosovë dhe Shqipëri. Përmes ligjëratave online, programi promovon transferimin e njohurive dhe ekspertizës, duke ndihmuar në mbylljen e hendekut të aftësive dhe përmirësimin e rezultateve arsimore.

Objektivat:

  • Promovimi i shkëmbimeve virtuale ndërmjet profesionistëve dhe studentëve të diasporës.
  • Forcimi i bashkëpunimit në arsimimin e lartë dhe nxitja e transferimit të njohurive.

Të fundit

Lajme të ngjashme

Qëndroni të informuar me të rejat e fundit, historitë e suksesit dhe iniciativat ku profesionistët e diasporës po bëjnë një ndikim të rëndësishëm në sektorë të ndryshëm.
Angazhimi i Profesionistëve të Diasporës
Success Story: Transforming Education Through Diaspora Mentorship

Empowering Educators with Cutting-Edge Technology In a small corner of Kosovo, a remarkable partnership between a diaspora expert and a

Angazhimi i Profesionistëve të Diasporës
Success Story: Transforming Education Through Diaspora Mentorship
Angazhimi i Profesionistëve të Diasporës
Discussion Roundtable – Empowering the Workforce in Kosovo: Human Capital and Mentorship
Angazhimi i Profesionistëve të Diasporës
25% ROI in 100 Days: Diaspora Mentorship Boosts Albanian Women Entrepreneurs

Germin është një organizatë joqeveritare, e cila bazohet në parime dhe ideale që besojnë se diaspora shqiptare duhet të ketë një rol të gjerë dhe proaktiv në zhvillimin pozitiv të të gjitha vendeve në Ballkan ku jetojnë shqiptarët.

Prano njoftimet tona
  • Tringë Smajli no.43/A Kati 7, Prishtinë, Kosova
  • Shyqyri Berxolli, Rezidenca Inter-Coast, 1001 Tirana, Albania
  • +383 (0) 49 542 525
  • info@germin.org
Instagram X-twitter Linkedin Facebook Youtube

© Të gjitha të drejtat e rezervuara – Germin 2014-2025